यीनै हुन कलिला छात्रालाई यौनशोषण गर्ने प्रिन्सिपल

प्रिन्सिपलले कलिला छात्राहरुमाथि यौनशोषण गरेको सुन्दा अचम्म लाग्न सक्छ । तर, सोमबार धरानमा यस्तै अपत्यारिलो घटना सार्वजनिक भएको छ । धरान १९, मा सञ्चालनमा रहेको क्रिष्चियन अनुदानमा चलेको इमानुअल इन्टरनेशनल बोर्डिङ्ग स्कुलका प्रिन्पिसल कपिङ मरामले आफनै छात्राहरुलाई होस्टलमा जर्बजस्ती यौनशोषण गर्ने गरेको खुलासा भएको छ ।स्कुलको छात्रावासमा रहेका २४ बालिकालाई ललाइफकाई यौनदुव्र्यवहारका साथै बलात्कारसमेत गर्ने गरेको एक पीडित बालिकाले बताइन्।
प्रहरी कार्यालयमा भेटिएकी मणिपुर घर भएकी पीडित बालिकाले सो विद्यालय छोडी आफन्तलाई भनेपछि उनीहरू धरान आएर महिला अधिकारकर्मीको सहयोगमा विद्यालयको छात्रावासमा गएर बालिकाहरूलाई भेटेपछि प्रिन्सिपलको कर्तुत खुलासा भएको हो। उनको कर्तुत सार्वजनिक भएपछि स्थानीयहरूले प्रिन्सिपल तथा उनकी श्रीमती रेदिला मारामलाई इलाका प्रहरी कार्यलय धरानमा बुझाएका छन्। प्रिन्सिपल मारामले आफूहरूलाई फकाई बेहोस हुने औषधी खुवाएर यौनशोषण गर्ने गरेको एक बालिकाले जानकारी दिइन्।

८ वर्षीया ती बालिकाले मारामले आफ्नो कोठामा बोलाएर संवेदनशील अंगमा छुने तथा अपाकृतिक योैन सम्पर्कसमेत गर्ने गरेको जानकारी दिइन्। बाथरुममा लगेर समेत यौनशोषण गर्ने गरेको उनीहरूको भनाइ छ। भारतको मणिपुरस्थित सेनापति जिल्लाका ५० वर्षीय मारामले धरानमा १४ वर्षदेखि सो विद्यालय सञ्चालन गर्दै आएका थिए। १४ वर्षदेखि सञ्चालित सो स्कुलले ५ कक्षासम्म अनुमति लिएको भए पनि कक्षा ७ सम्म अध्ययन–अध्यापन गराउँदै आएको थियो।

उद्दार गरिएका साना बालिकाहरुले बताएअनुसार प्रिन्सिपलले उनीहरुलाई अंगालो मार्थे, किस खान्थे । गुप्तांगमा हात पुर्याउथे अनि छातीमा संवेदनशिल अंग पनि खेलाउथे । फुत्किएर भागेपनि फेरी समातेर ल्याइहाल्थे । राती ओछ्याउनमा पनि प्रिन्सिपल आएर त्यसरी नै दुव्र्यवहार गर्ने गरेको बालिकाहरुले बताइन् । उद्दारमा खटिएकी अनेमसंघ क्रान्तिकारीकी नेतृ देवलक्ष्मी प्रधानका अनुसार पीडितहरुले सोमबार प्रहरीमा किटानी जाहेरी दिइसकेका छन् । ती पीडित बालिकाहरुलाई होस्टलमा पुराना शिक्षक, शिक्षिकहरुको जिम्मा लगाउने र अर्को विकल्प व्यवस्था गरेरै छाड्ने बताइन् । इलाका प्रहरी कार्यालयका डिएसपी चन्द्रदेव राईले पीडकसँग वयान लिन बाँकी रहेको र पीडित बालिकाहरुसँगको कुराअनुसार उनीहरुमाथि यौनशोषण भएको वयान दिएको बताए । आवश्यक अनुसन्धान पछि कारबाही अघि बढाइने उनले बताए ।